Deri më sot, sikleti o bezdia që mund të kemi ndjerëë në salla teatrosh a kinemash mund t’i adresohet ndonjë përtypjeje të pakontrolluar apo komenteve që shoqërojnë titrat e përkthimit.
Edhe në raste filmash erotikë, siç shumë prej jush kujtojnë “50 hijet e Greyt”, nuk bëjmë zë sepse pamjet janë “të jashtme”. Ama, nëse na ndodh në shtëpi, nuk përmbahemi. Kur aktorja Olta Gixhari hyri në pjesën e saj te shfaqja e koreografit, Arian Sukniqi “Penetrimi i shpirtrave”, hormonet nuk është se u përmbajtën nga të gjithë.
Atmosfera mund të kishte qenë më e lagësht nëse Olta Gixharit do t’i ishin plotësuar të gjitha dëshirat. Ajo u shfaq bjonde, sensuale, me një fustan të zi e pupa balerine. Zhveshi këmishën, e lidhi në brez e iu drejtua skenës. Në fakt, ajo vetë, siç mësuam në përfundim të shfaqjes, do të kishte dashur që e skena të mos ishte krejt kështu.
Aktorja durrsake i pati kërkuar koregorafit Sukniqi që të dilte krejt e zhveshur në skenë.
Pyetjes nëse kjo ishte e vërtetë, koreografi Sukniqi iu përgjigj se nëse do të kishte ndodhur, e gjithë shfaqja do të merrte dimensione të tjera. “Synimi im nuk ishte lakuriqësia. Mendoj se kjo pjesë do ta dëmtonte veprën. Sigurisht që mund të kishte krijuar shumë më tepër zhurmë seç bëri, por në fund nuk ishte ky qëllimi”, thotë ai./ Panorama
