Kryetari i PD, Lulzim Basha, gjatë prezantimit të platformës ‘Antimafia’ një ditë më parë, kërcënoi disa prej sipërmarrësve më të mëdhenj në vend se kur të vijë PD në pushtet do t’u sekuestrojë pasuritë. Kjo pasi, siç u shpreh Basha, 11 biznesmenët të cilët ai i quajti oligarkë, kanë përfituar tendera publikë në mënyrë të paligjshme.
Në një reagim të tij, kryetari i grupit parlamentar socialist, Taulant Balla, thotë se ata të cilët Basha i quan “oligarkë” dhe se do iu sekuestrojë pasuritë, i kanë paguar kunatit të kryedemokratit 11 milionë dollarë.
“Opozita është gardiani i qeverisjes. Por sot në Shqipëri Kryetari i PD Lulzim Basha është një gjobvënës i rëndomtë i sipërmarrjes. 11 milionë dollarë gjobë/fatura kanë paguar tek kunati i Bashës kompanitë e “oligarkëve. Postim i Taulant Ballës në Twitter
