Sekretari i Përgjithshëm i OKB-së, Antonio Guterres, dënoi ashpër sot (19 gusht) deklaratat “çnjerëzore dhe të rrezikshme” të ministrit izraelit të ekstremit të djathtë, Itamar Ben Gvir.
Ministri i kabinetit të Netanyahu-t pretendoi disa ditë më parë se “Izraeli duhet të vriste 30 ose 40 njerëz çdo natë në Gaza”.
“Këto deklarata janë të neveritshme. Ato janë skandaloze. Ato janë çnjerëzore dhe të rrezikshme. Dhe ne i dënojmë ato me fjalët më të ashpra”, u tha gazetarëve zëdhënësi i sekretarit të përgjithshëm të Kombeve të Bashkuara, Stephane Dujarric.
