OKB-ja denoncoi sot premtimet e pambajtura në marrëveshjen mes Turqisë dhe BE-së për çështjen migratore, pasojat e të cilës po i vuajnë kryesisht për fëmijët.
“Duhet t’a rimendojmë vërtet kuadrin e kësaj marrëveshjeje”, deklaroi Lucio Melandri, specialist i situatave emergjente në Fondin e Kombeve të Bashkuara për fëmijërinë (Unicef).
Në përputhje me marrëveshjen e nënshkruar më 18 mars 2016, Turqia ra dakord të frenojë fluksin e migrantëve dhe refugjatëve, kryesisht të sirianëve, që kërkojnë për të emigruar drejt Evropës duke hyrë nga Greqia, në këmbim të një ndihme financiare, të liberalizimit të vizave për turizëm për shtetasit e saj dhe përshpejtimit të procesit të anëtarësimit në Bashkimin Evropian.
Ndërsa Turqia po kërcënon tashmë me prishje të kësaj marrëveshje për shkak të një krize diplomatike me disa qeveri evropiane, UNICEF vendosi të nisë një paralajmërim ndaj atyre që e konsiderojnë këtë pakt si një sukses./a.ç
