Dhuna ua ka marrë jetët të paktën 6.878 civilëve në Irak vitin e kaluar, ka thënë OKB-ja, me qeverinë irakiane që nuk po mund ta ruajë sigurinë mbarëkombëtare dhe t’i largojë militantët e ISIS-it nga zonat që i kontrollon.
Misioni Ndihmës i OKB-së për Irakun, i njohur si UNAMI, ka thënë se shifrat e saj duhet të konsiderohen si minimumi absolut, sepse nuk ka qenë në gjendje t’i verifikojë të vdekurit në mesin e civilëve në zonat e konfliktit, dhe ata që kanë vdekur për shkak të efekteve dytësore të dhunës, si mungesa e ujit, ushqimit, medikamenteve dhe kujdesit shëndetësor, transmeton Express. UNAMI, po ashtu ka thënë se 12.388 civilë të tjerë janë lënduar vetëm në vitin 2016, citohet ”Express”. (b.an)
