OFL u ka dërguar formularin e deklarimit të pasurisë 4 dënuarve, 2 për drogë dhe 2 për vrasje.
Mes tyre eshte dhe Abaz Berhami banues në Krujë, i dënuar për veprën penale “Vrasja me paramendim”.
Gjysmën e jetës Abaz Berhami e ka kaluar në qeli. Ai ka qenë i burgosur politik në kohën e diktaturës, dhe i dënuar për vrasje pas vitit 1997, pra në 2 kohë të ndryshme.
“Kam jetuar i lirë vetëm 7 vjet. Në kohën e regjimit u dënova me 12 vjet burg në vitin 1984, për tentative arratisjeje në Jugosllavi. Isha i ri atëherë, sapo kisha krijuar familje e punoja shofer.
Me gjithë kamion tentova të kaloj kufirin dhe më kapën”, ka thënë Abazi në një intervistë.
Ai tregon se ka pasur bashkëvuajtës ish-të përndjekurit që nga Lirak Bejko e deri te Gjergj Ndreca. Por edhe emra të njohur të dënuar nga regjimi, si Fatos Lubonja, Vladimir Balluku, Namik Ajazi, Anton Sheti.
/a.r
