Biznesmeni Markus Schon ka paraqitur një ofertë unike për të të risjellë Cristiano Ronaldon sërish në futbollin evropian. Sipas Mirror, biznesmeni gjerman po bën përpjeke që ylli portugez t’i bashkohet skuadrës së Bayern Munich.
Bayern Munich ishte përfolur për afrimin në ekip të Ronaldos përpara transferimit të tij te Al-Nassr, por CEO Oliver Kahn e përjashtoi asokohe mundësinë. Megjithatë, biznesmeni Markus Schon i ka dërguar një email direkt Kahn, duke përshkruar një propozim që përfshin financimin e transferimit dhe ndarjen e mundshme të të ardhurave nga shitja e fanelles për të kufizuar rrezikun financiar.
Që marrëveshja të jetë e suksesshme, Ronaldo ka të ngjarë të pranojë një ulje page nga kontrata e tij aktuale me Al-Nassr, e cila thuhet se e bën atë lojtarin më të paguar në botë. Kontrata e tij me klubin saudit është deri në vitin 2025. Drejtori ekzekutiv i Bayern Munichut, Kahn, kishte deklaruar më parë se Ronaldo nuk i përshtatej filozofisë dhe objektivave të klubit. Megjithatë, me këtë propozim të ri në tavolinë, mbetet për t’u parë nëse do të ketë ndryshim mendimi.
Biznesmeni 48-vjeçar gjerman operon në fushën e artikujve “online” “Buero.de” dhe duket se është i vendosur për të bërë të mundur kthimin e CR7 në futbollin evropian.
/s.f
