Rreth 200 xhihadistë u vranë në një ofensivë këtë javë në veri të Irakut, që përfundimisht u sprapsën nga forcat kurde peshmerga me ndihmën e bombardimeve të koalicionit, njoftoi sot një zëdhënës ushtarak amerikan.
“Ekuivalentia e një batalioni xhihadistësh, ndoshta 500, ose diçka më pak, sulmoi të mërkurën linjat e forcave kurde peshmerga në provincën Ninive”, sipas kolonelit Steve Warren, që u shpreh në një videokonferencë nga Bagdadi.
“Fillimisht xhihadistët arritën të hyjnë në zona që ishin nën kontrollin e forcave kurde, pranë Tal Aswad, Bachiqa dhe Nawaran, para se të sprapsen përfundimisht të enjten”, njoftoi zëdhënësi amerikan.
