Kryetari i një paneli këshillues të OBSH, Alejandro Cravioto, tha se prodhuesit kinezë të vaksinave Sinopharm dhe Sinovac kanë paraqitur të dhëna për vaksinat e tyre COVID-19 që tregojnë nivelet e efikasitetit që do të ishin në përputhje me ato të kërkuara nga Organizata Botërore e Shëndetësisë, shkruan Reuters.
“Kjo do të thotë rreth rreth 70% dhe natyrisht, ata kanë të gjitha të dhënat e sigurisë për të treguar se kjo vaksinë nuk do të shkaktojë dëm tek njerëzit kur përdoret.”- u shpreh kryetari.
Zëdhënësja e OBSH-së, Margaret Harris tha në fillim të këtij muaji se “vaksinat Sinopharm dhe Sinovac mund të marrin miratimin urgjente të OBSH-së shumë shpejt”.
Zhvilluesi i vaksinës Sinopharm, Instituti i Produkteve Biologjike të Pekinit, tha se vaksina ishte 79,34% efikase në parandalimin e zhvillimit të sëmundjes.
Ajo është miratuar në disa vende, përfshirë Kinën, Pakistanin dhe Emiratet e Bashkuara Arabe. Të dy vaksinat e prodhuara nga Kina kanë pasur kërkesa të mëdha nga shumë vende në zhvillim./ b.h
