“Kemi një emër zyrtar për koronavirusin: është Covid-19”. Është kjo deklarata e bërë nga drejtori i përgjithshëm i Organizatës Botërore të Shëndetësisë,
Tedros Adhanom Ghebreyesus, duke saktësuar se “një virus mund të shkaktojë më shumë trazira politike, ekonomike dhe sociale se çdo sulm terrorist. Bota duhet të zgjohet dhe ta konsideroj këtë virus si armikun numër 1”.
Ghebreyesus bën thirrje ndaj të gjithë shteteve të botës që të shfrytëzojnë çdo mundësi dhe të bëjnë të pamundurën për ta frenuar virusin.
“Koha është thelbësore, duhet vepruar me urgjencë. Ka ende kohë, por koha kalon ndaj duhet të mos rrimë duarkryq. Zhvillimi i vaksinave dhe kurave është prioriteti kryesor, për të mbrojtur sa më shumë qytetarët”, thotë ai.
OBSH kërkon gjithashtu një investim prej 675 milionë dollarë mbështetje në luftën kundër koronavirusit, në vendet që janë goditur.
/a.r
