Organizata Botërore e Shëndetësisë (OBSH) ka njoftuar rishikimin e rreziqeve të përdorimit të shisheve plastike për ujin e pijshëm, pasi një analizë e re e disa prej markave më të njohura të ujit shisheve në botë zbuloi se më shumë se 90% përmbanin pjesë të vogla të plastikës. Një studim i mëparshëm gjeti gjithashtu nivele të larta të mikroplastikës në ujin e rubinetit.
Në studimin e ri, analiza e 259 shisheve nga 19 vende gjeti një mesatare prej 325 grimcash plastike për çdo litër uji. Madje në një shishe Nestle Pure Life, përqendrimet ishin aq të larta sa 10,000 copa plastike për litër ujë. Nga 259 shishe të testuara, vetëm 17 ishin të pastra nga plastika.
Shkencëtarët raportuan se ata kishin “gjetur afërsisht dy herë më shumë grimca plastike brenda ujit në shishe” krahasuar me studimin e tyre të mëparshëm të ujit të çezmës. Shishet e analizuara u blen në SHBA, Kinë, Brazil, Indi, Indonezi, Meksikë, Liban, Kenia dhe Tajlandë. Sipas studimit të ri, lloji më i zakonshëm i fragmentit plastik që u gjet, ishte polipropileni – i njëjti lloj plastike që përdoret për të bërë kapsulat e shisheve.
Një analizë e dytë gjithashtu zbuloi që mikrofibrat plastike ishin shumë të përhapura
Boxed ëater përmbante një mesatare prej 58.6 të fibrave plastike për litër. Ozarka dhe Ice Mountain, të dyja në pronësi të Nestle, kishin përqendrime rspektivisht 15 dhe 11 copë për litër.
Një zëdhënës i Gerolsteiner tha se kompania gjithashtu nuk mund të përjashtonte që plastika të hynte në ujë nga burimet ajrore ose nga proceset e paketimit. Zëdhënësi tha se përqendrimet e plastikës në ujë nga analizat e tyre ishin më të ulëta se ato të lejuara në produktet farmaceutike.
Ndërsa, Coca-Cola tha për BBC se kishte metoda të rrepta të filtrimit, por pranoi se gjithçka nënkuptonte fibra plastike mund të gjendet në nivele të madje edhe në produktet me trajtim të lartë”. Një zëdhënës i Organizatës Botërore të Shëndetësisë i tha Guardian se megjithëse nuk kishte ende prova për ndikimet në shëndetin e njeriut, ai ishte i vetëdijshëm se ishte një fushë shqetësuese në zhvillim.
Sipas tij “OBSH do të shqyrtojë provat shumë të pakta në dispozicion me qëllim të identifikimit të boshllëqeve të provave dhe krijimin e një axhende kërkimore për të informuar një vlerësim më të plotë të rrezikut”. (ResPublica)
