Qeveria synon që në harkun e 5 viteve, numri i turistëve të huaj që vizitojnë Shqipërinë përgjatë një sezoni, të shkojë në 10 milionë.
Kështu deklaroi kryeministri Edi Rama, gjatë hapjes së sezonit turistik në Orikum.
Shefi i qeverisë deklaroi se këtë sezon pritet minimalisht një rritje me 15% e fluksit të turistëve
“Nëse vjet kapëercyem shifrën e 5 milionë turistëve të huaj, ndërsa sivjet në rastin më minimal do kemi 15% turistë më shumë sesa vjet, nuk ka dyshim se objektivi për të arritur 10 milionë turistë në sezon në harkun e 5 viteve është tërësisht i mundur“, deklaroi Rama
Kryeministri u shpreh se synohet që Shqipëria të kthehet në një destinacion kryesor të ofertës mesdhetare për tregjet ndërkombëtare të turizmit
“Reduktimi i taksës për turizmin nga 20% në 6%, si dhe heqja e TVSH për dhjetë vjet për hotelet e reja me 4-5 yje janë iniciativa të qarta për mbështetjen që qeveria jep për zhvillimin e mëtejshëm të këtij sektori“, deklaroi Rama
Rama shprehu bindjen se aeroporti i Vlorës do të hapet para fundit të vitit 2020, duke nisur konkurrencën edhe me aeroportin e vetëm funksional në Shqipëri, atë të Rinasit.
“Jemi duke diskutuar dhe negociuar kontratën për Aeroportin e Vlorës, që besoj se do të nisë nga puna së shpejti. Një investim i konsiderueshëm me një vlerë të konsiderueshme, por mbi të gjitha për tej vlerës financiare bëhet fjalë për një portë të re hyrëse dhe dalëse të Shqipërisë. Një aeroport tërësisht konkurrues me aeroportin e Rinasit, që do të krijojë lehtësira të jashtëzakonshme për të gjithë udhëtarët e zonës së jugut dhe turistët që do të vijnë në këtë zonë. Kam bindjen se ne do të mund ta realizojmë aeroportin në një kohë më të shpejtë se parashikohet dhe uroj që të do të dali siç unë kam bindjen dhe praktikisht ne ta kemi të hapur aeroportin pak përpara përfundimit të vitit 2020”, tha Rama.
Javanews/a.ç
