Një objekt i madh i paidentifikuar u vu re në një plazh australian më 16 korrik 2023, rreth 250 km në veri të Perthit. Objekti gjigant metalik u gjet nga vendasit në plazhin Green Head, ndërsa autoritetet vendase dhe ato federale kanë nisur një hetim për zbardhjen se çfarë dhe kujt i përket ky objekt, që mesa duket është vërtetuar që nuk mund të jetë nga ndonjë avion komercial.
Ky objekt u trajtua si i rrezikshëm nga policia dhe për këtë arsye u kërkoi njerëzve që t’i qëndronin larg, ndërsa vendosën që ta shpërthejnë në mënyrë të kontrolluar, për të shmangur çdo lloj situate të pakëndshme.
Banorët e plazhit Green Head thanë se cilindri ishte rreth 2.5 metra i gjerë dhe midis 2.5 dhe 3 metra i gjatë. Eksperti i aviacionit Geoffrey Thomas tha se objekti ishte ndoshta një rezervuar karburanti nga një raketë që kishte rënë në Oqeanin Indian në 12 muajt e fundit.
Sipas BBC, kishte disa spekulime se cilindri mund të ketë qenë pjesë e MH370 – një aeroplan që u zhduk në brigjet perëndimore të Australisë në vitin 2014 me 239 pasagjerë në bord, por Thomas tha se nuk kishte “shans”.
/f.stafa
