Ushtria amerikane rrëzoi një objekt të katërt fluturues ditën e diel, me urdhër të presidentit Biden. Sipas Pentagonit, ai po fluturonte në kuotë të lartë dhe ishte rrezik për trafikun ajror. Ekspertët nuk përjashtojnë mundësinë e një objekti jashtëtokësor.
“Kjo është një pikë kthese; duhen diskutime nëse ky është një kërcënim e si do të përgjigjemi”, u shpreh Mike Turner.
Pentagoni konfirmoi se avionët luftarakë F-16 kishin neutralizuar një pajisje që fluturonte në kuotë të lartë mbi hapësirën amerikan-veriore, pasditen e së dielës. Urdhri kishte ardhur nga presidenti amerikan, Joe Biden.
“Ne morëm dritën jeshile për të shënjestruar objektivin në Gadishullin e Sipërm Lindor te Miçiganit, dhe në fund ta rrëzonim atë; rreth15 milje nautike mbi Liqenin Huron”, u shpreh gjenerali Glen VanHerck.
Zyrtarët e Pentagonit thanë se objekti me formë oktagoni nuk ishte një kërcënim ushtarak, por duke qenë se po lëvizte në lartësinë e 6100 metrave mund të kishte ndërhyrë me trafikun ajror komercial.
Gjenerali Glen VanHerck tha se mund të bëhet fjalë për një lloj balone të gaztë, ose me një lloj sistemi shtytës, por nuk përjashtoi mundësinë e një objekti jashtëtokësor. Ky ishte ishte objekti i katërt fluturues i qëlluar mbi Shtetet e Bashkuara në pak më shumë se 1 javë dhe ligjvënësit kërkojnë përgjigje.
“Jam realisht i shqetësuar se përse administrata nuk po tregohet e hapur mbi gjithçka që di. Pjesë e problemit është se objekti i dytë dhe i tretë u rrëzuan në zona shumë të thella”, Jim Himes Departamenti i Mbrojtjes thotë se objektet e qëlluara së fundmi nuk i ngjajnë asaj që dyshohej të ishte një balonë përgjimi e Kinës dhe që u rrëzua javën e kaluar. Operacioni për gjetjen e mbetjeve të balonës vazhdon ende.
/a.r
