“Nuk ka rëndësi nëse Barack Obama është një senator ose një president. Ai do të hajë atë që kam përgatitur për të”. Kështu ka deklaruar gjyshja nga Kenia e Presidentit amerikan Barak Obama, e njohur si nëna Sara. Ajo ka thënë se do t’i gatuajë nipit të saj një vakt tradicional, kur ai të vizitojë Afrikën Lindore, vendlindjen e babait të tij, gjatë këtij muaji.
“Unë do të përgatis të gjitha ushqimet tradicionale që kam në dispozicion”, tha ajo, duke folur gjuhën e saj dhe duke përmendur peshkun, pulën dhe qullin e misrit.
Nëna Sara është gruaja e tretë e gjyshit nga babai i presidentit të SHBA-ve, Hussein Onyango Obama, dhe jeton në fshatin e vogël Kogelo në Kenian Perëndimore, ku një numër i madh të afërmish të presidentit jetojnë.
Babai i Obamës ka lindur në Kogelo dhe u rrit atje deri sa udhëtoi jashtë vendit për të studiuar, ku u takua me nënën amerikane të Obamës në Haëaii. Edhe pse nëna Sara nuk ka lidhje gjaku, Obama e quan ‘gjyshe’ dhe e ka vizituar atë në të kaluarën.
