Duket se Barack Obama po e shijon verën. Presidenti amerikan ka shpërndarë listën e tij me këngët e preferuara gjatë pushimeve verore. Listën e krijuar në softuerin Spotify është shpërndarë nga vetë presidenti amerikan në Twitter, “Pas shumë kërkesave, ja lista me këngët e preferuara. Cila është kënga juaj e preferuar për këtë verë?” ka shkruar Obama.
Në listën me këngët e preferuara për t’i dëgjuar ditën, Obama ka zgjedhur Coldplay, Rolling Stones, Florence+ The Machine, përderisa në ato për natën ka zgjedhur Beyonce, Van Morisson, Frank Sinatra, Mary J Blige dhe Miles Davis.
