Duke e përshkruar ISIS-in, si fytyrë të se keqes, Obama ka theksuar se do të punojë më vendet për një strategji të koordinuar për ta shkatërruar grupin militant, pa përdorur trupa tokësorë. “Ne e kemi strategjinë e duhur dhe do ta shqyrtojmë atë” ka thënë Obama në Turqi ku po mbahet Samiti i G20-ës.
Ndërkohë presidenti turk Recep Taip Erdogan, ka deklaruar në këtë takim se kreu i shtetit sirian, Bashar al Assad, i cili ka masakruar popullin e tij, nuk ka vend në të ardhmen e Sirisë dhe nuk do ta ketë kurrë. Erdogan, kërkoi bashkëpunim më të madh për zgjidhjen e kësaj çështjeje.
“Çështjet rajonale, duke filluar nga refugjatët dhe duke përfunduar te terrorizmi, nuk mund të zgjidhen pa bashkëveprimin dhe pranimin e të gjithë qytetarëve sirianë”, theksoi Erdogan.
”Mes përparësive të vendit duhet të jetë integriteti i tij territorial. Shumë shpesh Turqia ka shprehur shqetësimi e saj për zgjerimin e mundshëm në veri të Sirisë të trupave kurdo-siriane të PYD-it, që tani është në pararojë të luftës kundër ISIS-it”, deklaroi presidenti turk.
Turqia, më herët kishte paralajëmruar autoritete franceze për mundësinë e goditjes nga sulmet terroriste të shtetit islamik ISIS.
