Pas dëshmisë në Prokurori, Lulzim Basha tha sot se bëhet fjalë për një hetim që lidhet me formularët e KQZ. Ai mohoi të ketë shkelur ndonjë ligj sa i përket lobimit në SHBA.
Por pak orë spas daljes së tij në media, Taulant Balla ka reaguar ashpër në Facebook.
Kreu i Grupit Parlamentar të PS e cilëson Bashën si një ‘matrioshikë’ që gënjen edhe te pragu i Prokurorisë.
“Ju që i shkoni pas një njeriu si ky, i vetmi që gënjen edhe tek pragu i derës së Prokurorisë, si mund t’ia lejoni vetes t’ju tërheqë për hunde një matrioshkë si Lulzim Basha! Me lehtësinë e genjeshtarit profesionist ai thotë që hetimi për financimet e PD ka nisur me kërkesë të PD një vit e gjysëm më parë!!!
Po ai kallzimi im ndaj tij për këtë çështje pse u bë? Po FBI dhe Departmentit Amerikan të Drejtësisë, ky i’a ka kerkuar hetimin për veten? Po autoriteteve skoceze mos ua ka kërkuar Lulzimi të kryejnë hetimet për gati 1 milionë dollarë të padeklaruara, që i dolën në Amerikë si para ruse?
O ju njerez që ju sjell verdallë Lulzimi, thirrini mendjes e mos u beni kukulla të kësaj matrioshke gënjeshtare!” – shkruan Taulant Balla.
/a.rada
