“Kokëkanaçe”, kështu i ka cilësuar gazetari Dritan Hila të gjithë ata që kanë dalë në mbrojtje të kafshëve. Në një postim në Facebook, Hila shkruan nuk ka asnjë qytet në perëndim që të ketë qen rrugësh.
“Paska qene dita e peticionit per mbrojtjen e kafsheve (qenve)!
Une nuk i honeps dot. Ndaj keta qe nenshkruajne peticione, le ti marrin ne shtepite e tyre. Nuk kam pare qytet ne perendim qe te kete qen rrugesh.
Marr shkas pasi dje nje te njohurin tim e sulmoi nje pitbull duke i shkaktuar plage dhe tronditje kranike nga rrezimi. Dhe ky eshte instruktor palestre, pra nje njeri i pregatitur fizikisht.
Keshtuqe keta kokekanaçet apo kush e quan shenje civilizimi, duhet te dine se qeni perpara se te jete mik i njeriut eshte nje vrases qe konkuron me njeriun per kontroll territori, ndaj nese duan te mbajne qen apo piton, ta mbajne ne shtepine e vet por nuk kane te drejte te prekin lirine time ne rruge,” tha Hila.
Një grup qytetarësh u grumbulluan të shtunën para selinë së Parlamentit, nga ku nisën mbledhjen e firmave për një peticion që i kërkon Parlamentit miratimin e ligjit për mbrojtjen e kafshëve në Shqipëri.
Kjo iniciativë erdhi pas një serie ngjarjesh të dhunshme ndaj kafshëve, të bëra publike në mediat sociale. Më e fundit ishte ajo në një fshat të Kuçovës, ku disa të rinj filmonin njëri-tjetrin ndërsa masakronin me sopatë një qenush të lidhur. /b.d
