Përplase, akzua dhe fyerje dje gjatë mbledhjes së KQZ-së, e cila nuk mori vendim për heqjen e mandatit për deputetin e PS, Armando Prenga, pas dorëzimit vullnetar të mandatit.
“Panorama” shkruan se kreu i KQZ-së ka debatuar dje për rreth një orë me përfaqësuesit e partive politike, PS dhe PD, pasi sipas Denar Bibës juristët e partive nuk duhet të flisnin gjatë shqyrtimit të rasteve të mandateve të zyrtarëve që preken nga ligji i dekriminalizimit.
Por tonet u acaruan kur anëtarët e KQZ-së, të propozuar nga opozita, kërkuan që të hidhej në votim kërkesa që përfaqësuesve të partive t’u jepej 3 minuta kohë për të diskutuar në fillim të mbledhjes.
Por ky propozim u hodh poshtë me 4 votat e anëtarëve të shumicës. Tre anëtarët e propozuar nga opozita u larguan nga salla, por në këtë moment nuk u kursyen edhe ofendimet.
Nënkryetari i KQZ-së, Hysen Osmanaj, ka replikuar me kolegun e propozuar nga LSI, Gëzim Veleshnja, duke thënë se qëndrimi i tij ishte i pakuptimtë, që votoi kundër të drejtës së fjalës.
“Në qoftë se nuk jepni fjalën, vazhdoni vetë. Voto kundër Gëzimo, pastaj propozo”, tha Osmanajt, duke dalë nga mbledhja, por Veleshja iu drejtua kolegut: “Hej, o çerr, kujdes ti ore!”.
Ndërkohë që Klement Zguri e ka quajtur Veleshnjën si “toç”. “Po voton kundër dhe bën propozim, toç”, ironizoi Zguri./a.m.
