Kur na ndajnë vetëm pak javë nga mbajtja e konferencës së katërt ndërqeveritare me Bashkimin Europian, Sali Berisha përdor si platformë mediat greke për të kundërshtuar anëtarësimin e Shqipërisë në familjen europiane.
“Në mënyrë absolute Shqipëria nuk plotëson asnjë kriter, përveç pozicionit gjeostrategjik, për të cilin unë e mbështes procesin. Por kriteret…”, tha Berisha.
Ky qëndrim i tij u analizua nga avokati i njohur Idajet Beqiri në “Ora e Fundit” në ABC News.
Sipas tij, Berisha është një “misionar” i dukshëm që përpiqet të mbrojë interesat serbe dhe greke në Tiranë.
“Ai është misionar i Greqisë dhe Serbisë në Tiranë. Ai thotë se detin ua fal, jam gati t’ua fali prapë”, tha ai.
Ai komentoi edhe thirrjen e Berishës ku kërkoi nxënësve të lënë mësimin dhe të protestojnë kundër mbylljes së TikTok.
Sipas Beqirit, kjo thirrje e ngarkon Berishën me përgjegjësi penale.
Ai tha se Berisha fton qytetarët në protestë më 15 mars për t’i bërë presion drejtësisë për tragjedinë e Gërdecit.
“Ai procedohet për vepër penale, por problemi është te thelbi i çështjet. Pse ai kërkon që tik tok të jetë i hapur, pa filtra siç është vetë. Ky person, bazën e ekzistencës së vet, e ka bërë nga gjerat më kriminale në vendin tonë. E thërret se është 15 marsi, është dita e Gërdecit dhe ai do që atë masakër me ato të vrarë dhe invalidët që krijoi atje, ai do që këtë ditë të shëmtuar, dita e zisë për shqiptarët, do ta mbulojë dhe kërkon të dalin nxënësit nga mësimi. Po ky është presion ndaj drejtësisë dhe një lloj kapaku që do t’i vendosë Gërdecit. Shkëlzen Berisha do shkojë në burg, Sali Berisha pas tij dhe gjithë familja e tij”, tha ai.
Më tej ai theksoi se Sali Beridha dhe djali i tij do të kallëzohen penalisht në SPAK nga motra e biznesmenit të ndjerë, Kosta Trebicka.
“Do shkojnë në burg edhe për vrasjen e Kosta Trebickës. Më ka ardhur një letër nga motra e Kosta Trebickës. Kosta Trebickën e vrau Sali Berisha dhe Shkelëzën Berisha dhe ato do shkojnë në bankën e të akuzuarve. Te Kosta Trebicka do ta ketë kallëzimin penal nga familjarët e tij. Do të ngrejë padi penale e motra e Trebickës ndaj Sali Berishës, Shkëlzen Berisha dhe Agron Kuliçaj”, tha ai.
Ai komentoi dhe kontratën që ka bërë Chris LaCivita, strategu i fushatës së Partisë Demokratike.
Sipas Beqirit, LaCivita do të japë shumë shpejt llogari në SHBA pasi ka shkelur ligjet.
“Deri në prill do ketë frymë në Shqipëri, pastaj do përgjigjet. Kontratën e ka bërë 2 milionë dollarë dhe ka marrë nën xhaketë 48 milionë dollarë nga Sali Berisha. Nuk janë lekët e atij, por janë lekët e shqiptarëve”, tha ai.
