Kryeministri Edi Rama ka folur për risitë në buxhetin 2019, ku ka prezantuar një politikë te re sociale, që synon rritjen e popullsise shqiptare, e cila vitet e fundit është pakësuar ndjeshëm.
Në përpjekje për të rritur natalitetin në Shqipërinë që në dekadat e fundit është përballur me largime masive të qytetarëve dhe ulje të lindshmërive, Rama njoftoi sot 8, 16 dhe 24-fishimin e çekut për lindjen e çdo bebeje në vend. Aktualisht ky bonus është 5 mijë leke te vjetra.
“Nga 1 Janari, fëmijët e parë të çdo qifti do të marrë 400 mijë lekë shpërblim nga shteti, për mirëseardhjen në jetë. Çdo bebe do të regjistrohet në maternitetin që lind. Rritja e bonusit do të vijojë me 16% për fëmijën e dyte dhe 24 fish për të tretin, duke shkuar në 1.2 milionë lekë. Çdo fëmijë i parë i një çifti merr 8 fishin e kontributit pra 400 mijë lekë, çdo fëmija i dytë 16 fish ose 800 mijë lekë dhe fëmija i tretë 28 fish ose 1.2 milionë lekë
Kjo masë do të nxisë natalitetin. Kjo është një masë që do të aplikohet për të gjithë familjet në Shqipëri. Në vitet 2000 pata lançuar si Kryetar i Bashkisë së Tiranës çekun e bebes 50 mijë lekë të vjetra, i cili u prit shumë mirë aso kohe, por mbeti aq sa ishte për shumë vite dhe u kthye në një problem dhe në malin e borxheve të trashëguara nga qeverisja e mëparshme”, deklaroi Rama
Rama premtoi se nuk do të ketë vonesa, ashtu siç ka ndodhur në të kaluarën, me shpërndarjen e këtij bonusi.
Gjatë fjalës së tij Rama theksoi se bonusi tani kalon përmes njësive vendore nëpërmjet ministrisë së Brendshme, por që kjo do të ndryshojë. “Kjo do të ndryshojë krejtësisht dhe sistemi do të jetë i shpejt dhe i drejtpërdrejtë. Nuk do të ketë kapërcime nga njësi të ndryshme vendore dhe nuk do të ndodhë që paratë e fëmijëve të përdoren për tjetër gjë duke lënë familjet pa bonos”, tha kryeministri Rama.
Kreu i qeverisë paralajmëroi edhe rritje pagash në arsim, shëndetësi dhe ushtri.
“Vetëm me heqjen e taksës së sheshtë ne kemi mundësuar që 570 mln e 300 mijë dollarë të mos shkojnë në arkën e shtetit, por të mbeten në xhepin e qytetarëve. 97,4% e punonjësve në shtet kanë përfituar nga taksimi i ndershëm. Këtu jemi për të folur në lidhje me një politikë të re që duam të lançojmë. Jemi gati se kemi vendosur rregull në financat e shtetit. Na e lejojnë llogaritë sot. Do kemi rritje pagash në arsim shëndetësi dhe ushtri. Lehtësime të rëndësishme taksash, kryesori lehtësimi për një pjesë të konsiderueshme dhe aktive të biznesit që hyn në kategorinë e biznesit të vogël”
Javanews/a.ç
