Ka shkuar në 17 numri i personave që humbën jetën si pasojë e tërmetit tragjik që goditi vendin ditën e sotme.
Prej disa orësh ekipet e shpëtimit vijojnë operacionin për të shpëtuar personat e nxjerrë nën rrënojat, ndërsa disa minuta më parë është shpëtuar edhe një 35-vjeçar, i identifikuar si Adriatik Boti, nga Dibra.
I riu është nxjerrë i gjallë nga rrënojat në hotel “Miramare”, në Durrës, i cili është shkatërruar plotësisht nga tërmeti me magnitudë 6.4 të shkallës Rihter, i ndjekur nga një sërë lëkundjesh të tjera të forta.
Nga rrënojat e hotel “Miramare” janë nxjerrë deri më tani dy trupa të pajetë, ndërsa i tretë fatmirësisht është nxjerrë i gjallë.
g.kosovari
