“Na i lënë pesë gishtat në faqe”, “na thonë që jemi kafshë”, “na shajnë familjet”, “nuk na lënë të ankohemi”, janë disa nga fjalë që thonë nxënësit për sjelljet e mësimdhënësve në relacion me ta.
Këto janë përgjigjet e disa nxënësve që gazetarët kosovarë kanë intervistuar në oborrin e shkollës fillore Ismail Qemali në Prishtinë, kur i pyetëm nëse arsimtarët ushtrojnë çfarëdo forme të dhunës mbi ta. Për t’iu përgjigjur këtyre shqetësimeve, Bajram Vrapçani, zëvendësdrejtor i kësaj shkolle, i tha Radios Evropa e Lirë se para tre ditësh ka marrë një ankesë se është përdorur dhunë ndaj nxënësit nga arsimtari, por që sipas tij, “prindi i nxënësit dhe arsimtari kanë arritur pajtueshmëri, meqë ka qenë incident i momentit”, raporton rel.
“Raste të shpeshta nuk kemi të lajmëruara. Ankesa kemi marrë, një e kemi pasur para disa ditësh. Kemi biseduar edhe me arsimtarin, edhe me prindin e fëmijës. Dhuna fizike ka qenë afektive në pushim, gjatë orës së mësimit nuk kemi pasur ndonjë rast. Ndërkaq masa nuk është ndërmarrë ndaj arsimtarit në fjalë, por vërejte me gojë, jo me shkrim”, thotë zëvendësdrejtori i kësaj shkolle.
