Edmond Spaho thotë se Partia Demokratike nuk do të njohë rezultatin e zgjedhjeve të 25 prillit.
Megjithatë, nënkryetari i PD-së la të hapur mundësinë e pjesëmarrjes në parlamentin e ri.
Gjatë një interviste në “Abc News”, Spaho tha se mosnjohja e rezultatit dhe pjesëmarrja në parlament nuk kanë lidhje me njëra-tjetrën.
“Ne këto zgjedhje nuk do t’i njohim. 10 mijë punonjës, paratë e tërmetit, tenderime…janë një sërë faktesh. Të gjitha këto ne i kemi çuar në KQZ. KQZ-ja nuk dëshiron t’i shikojë se është partiake.
Njohja e zgjedhjeve me të qenurit në parlament, nuk mendoj se është e njëjta gjë. Për këtë çështje do të ketë një vendim nga strukturat e partisë”, u shpreh Spaho.
