Komisioni Qendror i Zgjedhjeve i ka tërhequr vëmendjen numëruesve të votave në Shkodër, të cilët kanë ndërprerë punën për të ndjekur finalen e kampionatit të Kategorisë Superiore, mes Vllaznisë dhe Egnatias.
Shkodranët shpresojnë të fitojnë titullin e parë kampion pas 24 vitesh dhe numëruesit duket se nuk i kanë rezistuar tundimit që të ndjekin ekipin e tyre të zemrës.
Ndeshja nisi në orën 20:00.
Në Shkodër, kur janë numëruar 268 nga 405 kuti, Partia Demokratike kryeson me mbi 25 mijë vota, ndërsa Partia Socialiste ka mbi 22 mijë. Partia Social Demokrate ka siguruar deri tani mbi 12 mijë vota.
Sipas projeksionit, PD siguron në këtë qark 5 deputetë, PS 4 ndërsa PSD 2.
