Teksa numërimi i votave vijon në Kosovë, rezulton se në Komunën e Prishtinës, kryeson kandidati i LDK, Përparim Rama.
Në kryeqytetin e Kosovës, kryeson Rama me 51.27% kurse Arben Vitia ka 48.73%. Diferenca në vota është mbi 1 mijë vota për shumë për kandidatin e LDK-së.
Në Komunën e Prizrenit kur janë numëruar mbi 37% e votave, kryeson kandidati i PDK Shaqir Totaj me 57.52%. Kurse kandidati i LVV, Mytaher Haskuka ka marrë 42.48%.
Në Komunën e Gjilanit kur janë numëruar mbi 55% e votave, kryeson kandidati i LVV, Alban Hyseni me 50.35% të votave. Ndërsa kandidati i LDK-së, Lutfi Haziri ka 49.65% me një diferencë në vota më pak se 200 vota.
Në Komunë e Gjakovës kur janë numëruar gati 33% e votave, kryeson kandidati i AAK, Ardian Gjini me 66.78% kurse kandidatja e LVV, Mimoza Kusari Lila ka 33.22%.
LVV shpreson të përmbysë rezultatin në Prishtinë, Prizren dhe Gjilan ku duket se ka një garë shumë të ngushtë kurse në Gjakovë rezultati duket i thellë.
PËR REZULTATIN E PËRDITËSUAR KLIKO KËTU!
/a.r
