Numërimi elektronik në kutinë e parë të Njësisë 10 në Tiranë ka nxjerrë një rezultat interesant. Referuar të dhënave të kësaj kutie, Partia Socialiste ka marrë 83 vota, ndërsa Partia Demokratike 78 të tilla. Ndërkohë koalicioni ‘Euroatlantik’ i drejtuar nga Lulzim Basha ka marrë 7 vota.
Bashkia e Vorës dhe Njësia 10 në Tiranë janë përcaktuar nga KQZ si zonat ku do të realizohet numërimi elektronik. Rezultatet zyrtare në këto dy zona do të bëhen publike mëngjesin e së hënës, sipas Kryekomisionerit Shtetëror të Zgjedhjeve, Ilirjan Celibashi.
Ai tha se rezultatet e numërimeve elektronike do të publikohen rreth orës 08:00-09:00 të së hënës, sikundër është dakordësuar edhe me partitë politike.
