Ndihmës Sekretarja amerikane e Shtetit për Çështjet Evropiane dhe Euro-aziatike Victoria Nuland në përfundim të vizitës në Shqipëri ka folur për gazetarët mbi çështje e diskutuara gjatë takimeve zyrtare.
Nuland është shprehur se gjatë takimeve me presidentin Bujar Nishani, kryeministrin Edi Rama dhe liderin e opozitës, Lulzim Basha ka folur për problemet e brendshme, rajonale e më gjerë të Shqipërisë.
Sipas Nulan, Shqipëria ka shumë sfida për të përmbushur duke filluar nga shteti ligjor dhe respektimi i të drejtave të njeriut.
Përballja me ekstremizmin dhe objektivi i hyrjes në BE janë gjithashtu dy sfida të rëndësishme për Shqipërinë tha zyrtarja amerikane.
Nulan ka folur dhe për reformën në drejtësi ku tha se, “shqiptarët duan një gjyqësor të pavarur për të vendosur drejtësi”, kurse lidhur me dekriminalizimin deklaroi se, “njerëzit nuk meritojnë të votojnë kriminelë”.
