Tre biznese janë mbyllur ndërsa 21 subjekte janë gjobitur nga Inspektorati Shtetëror shëndetësor në Vlorë pasi nuk zbatonin rregullat anti-Covid.
“Prej nisjes së pamdemisë janë kryer mbi 10 mijë inspektime ndërsa edhe janë mbyllur tre subjekte. Ndërkohë që vetëm gjatë periudhës së fundit janë vendosur 21 masa administrative gjobë në subjekte të ndryshme”, tha Vjollca Braho, drejtore e ISHSH.
Për shkak të rasteve me Covid edhe në qytetin bregdetar, Inspektorati Shtetëror Shëndetësor po ushtron kontrolle në bar-restorante, firma prodhuese, furra si dhe fasoneri e callcentera.
Për subjektet që nuk kanë pajisur personelin me maska e doreza si dhe nuk respektojnë distancën mes tavolinave apo punonjësve do të vendosen gjoba deri në mbyllje të aktivitetit.
/a.r
