Kryetari i PD në Mat, Arjan Lika, ka kërkuar nga Lulzim Basha që të mos japë dorëheqjen.
Në mbledhjen e Kolegjit të Kryetarëve, Lika ka thënë se nuk vihet në pushtet me Sali Berishës, ndërsa shtoi se duhet të dilet në terren dhe duhet të zhvillohen takime me qytetarët.
“Ata nuk e duan bashkimin. As mos të të shkojë mendja të japësh dorëheqje. Kjo është gjëja më e thjeshtë, por nuk është zgjidhja. Nuk vjen në pushtet një pd me Sali Berishën. Duhet te zbresësh ne terren, te takosh demokratet, qytetaret”, tha Lika.
Ndërkohë, kryetari i Degës së Bulqizës, Durim Fiku ka thënë se bashkëpunimi është i domosdoshëm, ndërsa shton se duhet hedur ujë zjarrit.
“Bashkëpunimi është i domosdoshëm. Duhet të hedhim ujë e jo benezinë zjarrit. Nuk mund të rrinë demokratët në cepa e të mos flasin me njëri-tjetrin. Të nisim nga seksioni e të bashkojmë bazën, të plotesojme strukturen. Kështu të ndarë nuk vijmë në pushtet”, u shpreh Fiku.
g.kosovari
