Në Komisionin E Mediave ishte parashikuar mbajtja e një seance dëgjimore me gazetaren ALida Tota, e cila pretendon se ishte larguar nga puna në televizionin “A1 News” pas investigimit të rastit të vdekjes së 17-vjeçarit Ardit Gjoklaj në landfillin e Sharrës.
Por në mbledhje mungonin disa deputetë duke e bërë të pamundur mbajtjen e seancës pasi nuk plotësohej kuorumi.
Kryetari i Komisionit të Medias, Genc Pollo akuzoi kryeministrin Rama për bllokimin e seancës, duke theksuar se po kërkon të mbyllet çështja e vrasjes së të miturit Gjoklaj.
Ndërkohë, nënkryetari Alfred Peza e cilësoi dëgjesën me gazetaren si një kauzë që kërkon ta amplifikojë opozita. Ai theksoi se mazhoranca nuk do të bëhet pjesë e kësaj dëgjese.
Pas debatit, gazetarja Alida Tota i kthu mbrapsht kryetarit Peza manualin e gazetarise, qe ai i kishte dhuruar kur Tota ishte studentja e tij./a.m.
