Gjyqtari somalez Omar Artan është rikthyer në Mogadishu pasi iu ndalua hyrja në Shtetet e Bashkuara, ku ishte planifikuar të merrte pjesë në aktivitetet përgatitore të Kupës së Botës.
Artan ishte përfshirë në listën përfundimtare të FIFA-s dhe pritej të bëhej gjyqtari i parë nga Somalia që do të arbitronte në një Kampionat Botëror.
Në kthimin e tij në Mogadishu, Artani u prit si hero nga qytetarë, përfaqësues të institucioneve shtetërore dhe zyrtarë të futbollit somalez.
Upon arrival at #Mogadishu’s Adan Abdulle International Airport international Somali referee Omar Abdulkadir Artan received a heroic welcome on Wednesday morning. pic.twitter.com/12B8NSgPW8
— Nasra Bashir Ali (@NasraBashiir) June 10, 2026
Gjatë një fjalimi në aeroport, ai deklaroi se synon të arbitrojë në Kupën e Botës së ardhshme.
“Ju premtoj, me vullnetin e Zotit, se do të jem në kampionatin e ardhshëm. Varet nga të gjithë ne të mbrojmë emrin e Somalisë. Somalia na përket neve, pavarësisht nëse është në gjendje të keqe apo të mirë. Ai flamur na përket neve dhe ajo pasaportë na përket neve”, tha ai.
