Trajneri francez Herve Renard ka përjetuar dy Botërorë radhazi në mënyrën më të çuditshme të mundshme. Katër vite më parë me Arabinë Saudite ia doli të ishte i vetmi që mposhti Argjetinën e Mesit. Ndërsa në edicionin aktual, ai ishte një dështim i jashtëzakonshëm pasi u emërua për të drejtuar Tunizinë në ndeshjen e dytë dhe të tretë në grup, pasi ishte shkarkuar Sabri Lamushi.
Megjithatë, Tunizia e tij u mposht si nga Japonia, ashtu edhe Holanda, e kësisoj doli kokulur si një nga dështimet më të mëdha të turneut. Renard qëndroi me pak fjalë vetëm pak ditë në drejtim, pasi pavarësisht dëshirës së tij për të vazhduar, nuk është gjetur gjuha e përbashkët me Federatën.
Ndaj sot ai i ka dhënë lamtumirën Tunizisë duke mbyllur akordin afatshkurtër mes palëve.
“Para largimit tim, dua t’i bëj falënderimet më të sinqerta federatës që më ka dhënë mundësinë që të marr pjesë në Kupën e Botës. Ishte një nder i madh që të drejtoja ekipin tunizian dhe të përjetoja këtë eksperiencë të paharrueshme. I uroj më të mirën ekipit dhe jam i sigurt që do të vazhdojë të zhvillohet, të bëjë të lumtur tifozët dhe të shkruajë faqe të shndritshëm në historinë e saj”, theksoi Renard.
