Neymar është rikthyer në Francë dhe ka dashur ta festojë këtë në mënyrën më të mire, me mikun e tij, Marco Verratti. Ylli i PSG udhëtoi drejt Brazilit për ta kaluar atje karantinën për shkak të pandemisë koronavirusit, në një rezidencë spektakolare. Tashmë është kthyer përsëri në kryeqytetin francez, i kurorëzuar në mungesë si kampion i Ligue 1. Braziliani dhe italiani janë zhvendosur në Saint-Tropez me disa miq dhe modele të shumta.
Falë “historive” të publikuara nga mesfushori në profilin e tij në Instagram, kemi arritur të verifikojmë se italiani ishte i shoqëruar në çdo kohë nga partnerja e tij, modelja Jessica Aidi, dhe se ata shijuan lojëra të ndryshme si UNO, të njëjta me ato që Leo Messi dëshironte ta argëtonte djalin e tij Mateo në momentet e shumta familjare gjatë karantinës.
Por, ajo që ka tërhequr vëmendjen më të madhe, pa dyshim, është se mes “mysafirëve” ishte edhe Cindy Bruna, e njëjta modele që disa muaj më parë ishte protagoniste e spekulimeve mediatike, të cilat e lidhnin me yllin brazilian. Kështu, dhe duke parë fotot e publikuara nga Verratti, këto thashetheme vetëm sa shtohen.
Për më tepër, dy futbollistët janë shoqëruar nga Ezequiel Lavezzi, ndërsa shijojnë ditët e fundit të pushimeve, para rikthimit në stërvitje, që PSG ka planifikuar për 22 qershorin. Skuadra pariziene ka një qëllim ambicioz përpara saj, Champions, pasi Ligue 1 u ndërpre me shpërthimin e Covid-19 dhe u zyrtarizua renditja momentale, me PSG kampione. Në 1/8 finale të Champions-it, parizienët ishin një nga katër skuadrat e kualifikuara, para se të kompeticioni të ndërpritej.
