Deputeti i Partisë Demokratike Ervin Salianji, i ftuar në studion e emisionit “Kjo Javë” në News24 është shprehur se nuk do të ndalojë denoncimet e tij në institucionet e drejtësisë.
Salianji deklaroi se do të denoncojë çdo aferë të njerëzve të qeverisë në gjykata, teksa përmendi se ka zhvilluar thuajse 600 gjyqe me ish-zyrtarë të lartë.
Mes tyre ai përmendi ish-kryebashkiakun e Bulqizës dhe atë të Durrësit, ndërsa theksoi se do të përballet kudo me ta dhe do të bëjë gjithçka që është e mundur për të realizuar misionin e ngarkuar nga qytetarët.
Megjithate harroi te permende “Babalen” per te cilen eshte denuar me 1 vit burg dhe pret nga Apeli nese do ta rrezoje kete vendim te gjykates se faktit apo do ta lere ne fuqi.
“Jam në një çështje penale se kam denoncuar paligjshmëritë. Me kryebashkiakët e arrestuar sot kam pasur gjyqe. Me ish-kryebashkiakun e Bulqizës, ai denoncohej na të tjera, kam pasur gjyq, me ish-kryebashkiakun e Durrësit. Kam pasur 600 gjyqe thuajse dhe i kam fituar me logjikën që kanë menduar se do më mbyllin gojën po të më çojnë te këta. Do përballem kudo me këta dhe do bëj gjithçka që është e mundur që këtë mision të ngarkuar nga qytetarët ta kryej”, tha ai./m.j
