Ish-ministri Sandër Lleshaj, i ftuar në emisionin Java në RTSH, për të folur në lidhje me sigurinë kombëtare në lidhje me bllokimin e aeroportit të Rinasit nga greva, u shpreh se kjo ishte skandaloze.
“Ishte skandaloze ajo që bën kontrollorët, mund të kishte raste emergjente që avioni duhet të ulej në atë moment”- u shpreh Lleshaj.
I pyetur nëse kjo cënonte sigurinë Kombëtare, Lleshaj tha se siguria është pjesë e shkencës politike, por këtu nuk njihen as përkufizimet bazë.
“Ne kemi problem të madh me cështje sigurie. Të kërkojmë një ekspert sigurie ne nuk kemi. Ne sigurinë e kemi konsideruar si ceshtje ushtarake dhe është marrë vetëm ushtria. Siguria është pjesë e shkencës politike. Ketu nuk njihen as përkufizimet bazë.”/ b.h
