Partizani është eliminuar përfundimisht nga UEFA Conference League, pas barazimit pa gola që mori në Elbasan Arena, në ndeshjen e kthimit përballë Iberia 1999.
Gjeorgjianët kishin fituar 2-0 në takimin e parë dhe ishin më komodë përballë skuadrës së Oges Shehit, duke kaluar kështu në turin e trete të këtij kompeticioni.
Partizani diktoi ritmin në pjesën e parë, teksa provoi shpesh herë të kërcënonte portën e kundërshtarit, por në asnjë moment nuk ia doli të gjente kuadratin.
Edhe pjesa e dytë nuk solli ndryshim rezultati, teksa me kalimin e minutave gjeorgjianët menduam disi më shumë për mbrojtjen.
Ndërkohë, surpriza, këtë herë për keq, vjen nga kampionia e Shqipërisë në fuqi, Egnatia, e cila ndonëse kishte fituar 1-0 në transfertë përballë Vikingur, u mund në Shkodër 2-0 nga islandezët.
Trysnia e miqve para portës së Dabjanit solli një autogol me devijim të dyfishtë në pjesën e parë. Ndërkohë në fillimin e të dytës, një dhuratë para portës u dha mundësinë miqve të dyfishonin shifrat dhe të merrnin kontrollin e kualifikimit.
Egnatia provoi deri në fund që të rihapte sfidën me një gol, por futbollistët e saj shpërdoruan disa raste të mira shënimi.
/a.r
