Euro e ka mbyllur në rënie të fortë edhe këtë javë, duke u zhvlerësuar me 1% të vlerës së saj kundrejt lekut.
Sipas kursit zyrtar të Bankës së Shqipërisë, niveli i ri i shënuar të premten fiksohet në 103.35 lekë, kur vetëm në fillim të javës ndodhej në kuotën e 104.44 lekëve. Tendenca rënëse nuk u ndal në asnjë moment, ndërsa pas publikimit të shifrave zyrtare, në pikat e këmbimit euro pësoi rënie të mëtejshme, duke dhënë sinjale se pas fundjavës mund të presim rekorde të tjera negative.
Muajt Korrik dhe Gusht, janë periudha kur flukset e remitancave dhe veçanërisht shpenzimet e turistëve janë më të lartat. Sipas Ministrisë së Financave dhe Bankës së Shqipërisë, këta janë dy prej faktorëve kryesorë në forcimin e monedhës tonë kombëtare.
/f.stafa
