Spanja ka regjistruar 757 vdekje të reja me koronavirus brenda 24 orësh, një rritje e lehtë nga 743 raportuar dje, megjithëse nën 800, një shifër që tejkalohej çdo ditë midis 28 Marsit dhe 4 Prillit, raporton El Pais.
Gjatë këtyre orëve, janë regjistruar 6.180 raste të reja me koronavirus.
Në total janë 146.690 raste pozitiv me Covid-19 dhe bilanci total i viktimave shkon në 14.555.
Rritja e të infektuarve mbetet e qëndrueshme, me një rritje prej 4,3%. Ministri i Shëndetësisë, Salvador Illa, seklarois e qëllimi është të ndalojmë infeksionet dhe që anashkalohet tejmbushja e spitaleve.
Pavarësisht numrit të lartë, autoritetet shëndetësore thonë se mund të ketë një shtrirje të kurbës gjatë ditëve në vijim.
Qeveria spanjolle deklaroi se “Ne kemi nevojë për ndihmën e vendeve të tjera, kjo është ajo për të cilëne u krijua Evropa”. Nga ana tjeter OBSH vlerëson reagimin e Spanjës ndaj virusit: “Ka qenë heroike dhe inovative”
Spanja renditet e dyta pas Italisë për numrin e viktimave, e cila numëron 17,127, ndërsa në vendin e tretë renditen SHBA me 12,857të vdekur.
Më shumë se 1.4 milion njerëz janë infektuar në të gjithë botën, 82,200 kanë humbur jetën e tyre dhe rreth 301.400 janë shëruar, sipas të dhënave nga Universiteti Johns Hopkins./ Javanews
g.kosovari
