LSI u ndal sot ne Kamzë ne stacionin e rradhes se fushates elektorale. Luan Rama, ne fjalen e tij sulmoi kryeministrin Edi Rama dhe liderin e opozites Lulzim Basha.
Per te parin, ironizoi faktin qe Rama kerkon voten per PS qe te mbaje e vetme timonin e qeverise, ndersa per Bashen, Luan Rama tha se eshte mesuar qe punet t’i zgjidhe naten.
“Koha e timonierëve ka perënduar që me vdekjen e Mao Ce Dunit, jemi këtu t’ju ftojmë të bëhemi bashkë që ta bëjmë LSI forcë të parë që i pari i qeverisjes të jetë qytetari dhe jo kryetari.
Jemi ndryshe prej të tjerëve se e keni pare qe del njeri dhe ju thotë votoni…le t’ja lëmë timonin dhe ne të zgjedhim qeverisjen për qytetarët, për shqiptarët. Ndërsa me atë tjetrin s’ja vlen të merremi se ai mezi përpiqet të luftojë për vendin e tretë.
Përjashton njerëzit me kontribute dhe është mësuar t’i zgjidhë punët e veta dhe të listës, natën. Të tjerët janë një shans i djegur ndaj nuk ia vlen të merremi me ta”, tha Luan Rama.
