Bashkia e Malësisë së Madhe ka reaguar në lidhje me shembjen e banesës së Prek Calit në Vermosh. Sipas bashkisë, punimet për rikosntruksionin e banesës ishin pa leje. Bashkia sqaron se nuk mund të përdoret historia për të shkelur ligjin.
Bahskia tregohet e gatshme të mirëpresë donatorët privatë por, duhet të gjejnë rrugën ligjore.
DEKLARATA:
Politizimi i prishjes së një ndërtimi pa leje është për të ardhur keq. Askush nuk
mund të ndërtojë pa leje, qoftë në emër të të gjallëve apo qoftë të të vdekurve me
emër. Bashkia nuk ka pasur asnjë kërkesë për këtë ndërtim , që do të kishte qenë
mëse e gatshme ta shqyrtonte e ta mbështeste.
Kjo vlente për dje, kjo vlen për sot, kjo vlen për nesër. Cilido që kërkon të
investojë privatisht për të nderuar historinë, traditat, figurat e Malësisë së Madhe e
ka derën e hapur. Por askush nuk mund të përdorë historinë, traditat, figurat tona
me filozofinë e dalë boje të tokës së xanun.
Kjo është e vërteta, të tjerat janë lojra e tymnaja politike nën nivelin e bisedës ku
përfshihen malësorët.
/a.m.
