Kjo është kërkesa më e fundit që vjen nga drejtori i OBSH për Europën dhe UNICEF sipas The Guardian. Pandemia i ka shkaktuar katastrofën më të madhe arsimimit në historinë e saj, tha Hans Kluge ndaj është e domosdoshme që mësimi të vazhdojë pa ndërprerje. Kjo është e rëndësishme për edukimin e fëmijëve, shëndetin mendor dhe zhvillimin e aftësive të tyre sipas Kreut të OBSH për Europen duke iu kërkuara qeverive të shteteve europiane që ta kenë objektin kryesor të tyre.
Disa vende mbyllën shkollat përgjatë pranverës dhe në fillim të verës duke lënë në izolim miliona fëmije. Drejtuesit e organizatave botërore bëjnë thirrje që mësuesit dhe pjesa tjetër e stafit që punon nëpër institucione arsimore të jenë ndër grupet e para që do të përfshihet në programin e vaksinimit . Po ashtu edhe fëmijët mbi 12 vjeç duhet të jenë të bëhen pjesë e imunizimit. Gjithashtu OBSH dhe UNICEF konsiderojnë se duhet të merren masa për të respektuar rregullat anti-covid edhe në ambientet arsimore me reduktimin e numrit të nxënësve në klasat, ruajtjes së distancimit social dhe rekomandohen teste të vazhdueshme për të vegjlit dhe stafin mësimdhënës.
Zyrtari i Larte i Organizatës Shëndetësore për Evropën thotë se mbyllja e shkollave i le fëmijët pa arsim, pa shoqërinë e shokëve të tyre dhe mund t’i ekspozojë edhe ndaj dhunës në shtëpi prandaj instititucionet arsimore duhet të jenë vendet e fundit që mbyllën dhe të parat që rihapen.
/a.r
