Edhe pse policia dhe prokuroria ende nuk e kanë lokalizuar vendodhjen e Klemend Balilit, hetimi pasuror mesa duket ka përparuar ndjeshëm.
Katër ditë më parë Krimet e Rënda i janë drejtuar me një kërkesë Gjykatës së Krimeve të Rënda, duke kërkuar nga kjo e fundit të verë në sekuenstro prenventive 25 apartamente, një sipërfaqe trualli në Sarandë dhe hotelin “Santa Quaranta” që ndodhet në bregdetin e Sarandës.
“Kërkesa e prokurorisë për sekuestrimin e pronave të Balilit është ende në shqyrtim nga Gjykata e Krimeve të Rënda, e cila ende nuk ka marrë një vendim për miratimin ose jo të kësaj kërkese që ka bërë prokuroria” – raporton Shqiptarja.com
Sipas akuzës, Balili pjesën më të madhe të pasurive e ka në emër të familjarëve të tij dhe shokëve.
Klement Balili është person në kërkim për llogari të drejtësisë greke dhe asaj shqiptare. Ai dyshohet si personi që drejtonte një grup kriminal të trafikut të drogës në Ballkan drejt Europës. /b.d
