Kreu i Partisë Demokratike Lulzim Basha ishte në Vjenë, ku zhvilloi një takim me Presidentin e Asamblesë Parlamentare të OSBE George Tsereteli dhe Sekretarin e Përgjithshëm ku foli lidhur me situatën e krijuar në Shqipëri dhe vendimin e opozitës për të djegur mandatet.
Gjatë mbledhjes, Partia Popullore Europiane në Asamblenë Parlamentare të OSBE-së njoftoi se situata në Shqipëri ishte në qendër të diskutimeve.
Ndërkohë, gazeta “TemA” ka mundur të zbulojë edhe disa nga detajet e këtij takimi.
Burime të sigurta, thonë se lideri i opozitës nuk ka marrë asnjë përgjigje pozitive nga presidenti Tsereteli lidhur me ankesën e depozituar prej tij për qeverinë “Rama”.
Mësohet se presidentini i ka qartësuar se “kjo është një çështje e politikës së brendshme të Shqipërisë për të cilën OSBE nuk mund të ndërhyjë. Ne vlerësojmë reformat që ka bërë Shqipëria dhe se vitin e ardhshëm “Tirana Zyrtare” merr Presidencën e organizmit tonë”.
/a.rada
