Një pronar i një lokali me qira me inicialet A.S, po hetohet nga Policia e Durrësit pasi u konstatua se personi ushtronte Baste Sportive. Njoftimin e bën vetë Policia e cila bën me dije se gjatë kontrollit në lokalin e A.S, vetë personi është kapur duke ushtruar veprimtari të paligjshme të lojërave të fatit.
Njoftimi i Policisë Durrës
Krujë
Vijojnë kontrollet në kuadër të zbatimit të planit të masave për evidentimin e ushtrimit dhe zhvillimit të kundraligjshëm të lojërave të fatit.
Procedohet penalisht një shtetas.
Është proceduar penalisht shtetasi A.S. për veprën penale” “Organizimi i llotarive të palejuara” , pasi në Krujë gjatë kontrollit të ushtruar në lokalin e marrë me qira është konstatuar se shtetasi i mësipërm ushtronte veprimtari të paligjshme të lojërave të fatit, Baste Sportive.
Kontrolle të tilla vijojnë çdo ditë nga Drejtoria Vendore e Policisë Durrës në të gjithë territorin e Qarkut.
Policia e Shtetit fton cilindo të denoncojë falas në numrin 112 ose përmes aplikacionit ‘Komisariati Dixhital’, çdo veprimtari të tillë të kundraligjshme, duke ju garantuar reagim të shpejtë dhe të paanshëm./a.meta
