Aksioni kundër informalitetit vijon ende, ndonëse jo në atë nivel ndjeshmërie që krijoi tek qytetarët kur filloi zbatimi i tij. Ditën e sotme Sektori i Krimit Ekonomik-Financiar ka ushtruar kontroll në disa subjekte në Tiranë, duke konsistuar në korrektësinë e lëshimit të kuponit tatimor gjatë shitjeve të produkteve.
Një tjetër pikë në fokus të kontrolleve ka qenë edhe verifikimi i punonjësve të siguruar ose jo të cilët janë punësuar në këto subjekte.
Nga kontrolli ka rezultuar se ka patur shkelje në disa raste, dhe si rezultat u proceduan në gjendje të lirë 12 subjekte për veprën penale të “Fshehjes se të ardhurave”.
BW/d.i.
