Vendimi për të mos lejuar debimin e një familje shqiptare i ka kushtuar shumë kryetarit të bashkisë së Charleroi në Belgjikë, Paul Magnette. Pasi udhëzoi policinë lokale të mos dëbojë një familje shqiptare që jeton në Belgjikë prej tetë vjetësh, ai u përball me kritika të forta.

Familja, e përbërë nga dy prindër dhe tre fëmijë, fillimisht erdhën në Belgjikë sepse babait i duhej të kryente një operacion për transplantim të mëlçisë, që nuk mund të realizohej në Shqipëri. Ata qëndruan në Belgjikë pas operacionit, sepse kryefamiljari kishte nevojë edhe për ilaçe.

Një protestë u organizua në Charleroi javën e kaluar nga fëmijët e shkollave, në përgjigje të një vendimi që u lëshua nga autoritetet belge, se babai tani është mjaft i shëndetshëm për t’u rikthyer në Shqipëri.

Ndërsa një zëdhënës nga zyra e Maggie De Block tha: “Ne jemi të befasuar kur lexuam njoftimin e z. Magnette në shtyp, veçanërisht sepse ai kurrë nuk e ka përmendur më parë. Të gjitha autoritetet duhet të respektojnë ligjin. Kjo vlen si për ministrat ashtu edhe për kryetarët e bashkive. Një kryetar i bashkisë, i cili inkurajon një familje të qëndrojë ilegalisht në Belgjikë dhe njofton se është e ndaluar që policia të kryejë një dëbim, tejkalon kompetencat e tij”. /e.s/