Boris Johnson dhe Jeremy Corbyn u vunë ballë sot për herë të parë që nga triumfi në zgjedhjeve me kryeministrin duke pretenduar se Parlamenti është “përmirësuar shumë” nga këto zgjedhje.
Por paraditen e sotme, qeveria e re britanike ka nisur zyrtarisht punën. Kryeministri Boris Johnson mbajti mbledhjen e parë të ekzekutivit, ndërsa paralajmëroi ministrat e tij se çfarë i pret matanë 100 ditëshin e parë.
Shefi i qeverisë gjatë takimit në Downing Street kërkoi që të punohet pa pushim për të përmbushur premtimet dhe kërkesat e qytetarëve.
Johnson tha që fitorja e Tory në zgjedhje ishte ‘sizmike’ dhe ai ishte i vendosur për të udhëhequr një ‘qeveri të popullit’.
“Votuesit e këtij vendi e kanë ndryshuar këtë qeveri dhe partinë tonë për mirë, dhe ne duhet të paguajmë besimin e tyre tani për të ndryshuar vendin tonë për mirë“, tha ai.
Ai shtoi se: ‘Ende nuk keni parë asgjë.’
Pavarësisht se edhe problemet e tjera mbeten tepër të rëndësishme, çështja Brexit mbizotëron në prioritetet e qeverisë së re britanike.
“Downing Street” do t’i shtojë një klauzolë të re ujdisë së divorcit nga Bashkimi Europian për të përjashtuar çdo shtyrje të periudhës së transicionit përtej vitit të ardhshëm.
Londra kërkon të sigurohet që shkëputja nga Brukseli të ndodhë realisht dhe sa më shpejt të jetë e mundur.
Periudha e transicionit post-Brexit, duhet të përmbyllet në dhjetor të 2020, por që me kushtet aktuale mund të shtyhet deri në dy vite të tjera nga një dakordësi e përbashkët.
Kritikët shprehin skepticizëm për normën e re, pasi rrit shanset e largimit nga BE pa një ujdi tregtare. Votimi për marrëveshjen për Brexit në parlamentin britanik do të mbahet gjatë kësaj jave.
g.kosovari
