Ish-deputeti i PD-së, Bardh Spahia publikoi sot debatin mes drejtoreshës së qendrës shëndetësore nr.8 në Tiranë dhe mjekëve.
“Drejtoresha e QSh nr.8 Blerta Berberi provoi se është një militante partiake që, në vend të shqetësohet për personelin mjekësor dhe qytetarët, u kërkon llogari mjekëve pse komunikojnë me opozitën”, shkruan Spahia bashkëngjitur videos.
“Kush ka mundësinë të bisedojë me një mjek, e kupton menjëherë se të ashtuquajturat masa të qeverisë kundër koronavirusit te ri janë vetëm propagandë. Më të pambrojturit janë mjekët. Deri kur ne bëmë publike të vërtetën se Qendrat Shëndetësore janë të papërgatitura, atje mungonin edhe masat më elementare.
Video e vërteton plotësisht këtë. Për fat të keq, Drejtoresha e Qendrës Shëndetësore nr.8 Blerta Berberi provoi se është një militante partiake që, në vend të shqetësohet për personelin mjekësor dhe qytetarët, u kërkon llogari mjekëve pse komunikojnë me opozitën për t’u thënë qytetarëve të vërtetën”- vijon më tej Spahia.
E pyetur nga gazetarët për audion e publikuar sot prej Partisë Demokratike ku në një poliklinikë në kryeqytet mungonin maskat dhe mjetet e dezinfektimit, Tomini u shpreh: “Janë rreth 1.2 mln maska janë shpërndarë në sistemin parësor e atë tercial në nivel kombëtar e s’ka mangësi të maskave në asnjë hallkë të sistemit shëndetësor. Ju garantoj që është i disponueshëm në çdo qendër shëndetësore”.
g.kosovari
